«Адал азамат» біртұтас тәрбие

Алматы қаласы Жетісу ауданы №112 жалпы білім беретін мектепте ата-аналар жиналысы өтті. Жиналыс барысында оқушылардың жазғы демалыс кезіндегі қауіпсіздігі мәселелері кеңінен талқыланды.

Ата-аналарға балалардың судағы, жолдағы, қоғамдық орындардағы қауіпсіздігі, интернетті дұрыс пайдалану, өрт қауіпсіздігі және төтенше жағдайлардың алдын алу бойынша маңызды ақпараттар берілді. Сонымен қатар, жаз мезгілінде балалардың бос уақытын тиімді ұйымдастыру мен олардың денсаулығына көңіл бөлу қажеттігі айтылды.

Мектеп әкімшілігі ата-аналарды балалардың қауіпсіздігіне жауапкершілікпен қарауға шақырып, жазғы демалыстың көңілді әрі қауіпсіз өтуіне тілектестік білдірді.