Алматы қаласы Жетісу ауданы №112 ЖББМ-де 9 мамыр – Жеңіс күніне орай «Мәңгілік тағзым – өшпес ерлік» тақырыбында іс-шара өтті. Іс-шараның мақсаты – Ұлы Отан соғысы ардагерлерінің ерлігін ұлықтау, жас ұрпаққа тарихи тағылым беру және отансүйгіштік рухты қалыптастыру болды. Кеш барысында оқушылар патриоттық әндер орындап, Жеңіс туралы өлеңдер оқып, әсерлі сахналық қойылымдар көрсетті. Батырлардың ерлігі мен қайсарлығы кеңінен насихатталып, көрермендерге ерекше әсер сыйлады. 

«Азаматтық қорғаныс мамандығы — өрт сөндіруші және құтқарушы» атты сурет байқауы өткізілді.  

7 мамыр – Отан қорғаушылар күніне орай  “Ұлы Дала айбыны” тақырыбында концерттік бағдарлама өтті.Бұл шараның басты мақсаты – жас ұрпаққа патриоттық тәрбие беру, елін қорғаған батырлардың ерлігін ұлықтау және Отанға деген сүйіспеншілікті арттыру болды. “Ұлы Дала айбыны” – ел рухын көтеріп, жас буынның бойына отансүйгіштік қасиетті дарытқан тағылымды кеш болды! 

1 мамыр – Қазақстан халқының бірлігі күніне орай «Бір шаңырақ астында – біртұтас елміз» атты ішкі іс-шара өтті.Аталған шараның мақсаты – оқушыларға еліміздегі ұлттар достығы мен татулығын насихаттау, бірлік пен келісімнің маңызын ұғындыру. Іс-шара барысында білім алушылар әртүрлі ұлттардың салт-дәстүрлерін таныстырып, ән айтып, би билеп, өз өнерлерін ортаға салды.Мерекелік кеш ерекше әсерге толы болып, қатысушыларға көтеріңкі көңіл-күй сыйлады. Осындай игі шаралар жас ұрпақты бірлікке, достыққа